நிறைவு பெறாத கவிதை

ஒவ்வொரு நாளும் எழுதி எழுதி
ஓயவில்லை கைகள்
ஒவ்வொரு முறையும் திருத்தி
உயிர் பெறவில்லை கவிதை
எண்ணத்திற்கும் விரல்களுக்குமான
போட்டியில்
நடுவராக வந்து நிற்கும்
ஒவ்வொரு நாளும் ஏதோ ஒன்று
நிறுத்திவிடும் நினைவை
இன்றைக்கான கனவை
நாளைக்காக ஒத்திப் போட்டால்
நாளை தூங்குவதென்ன நிச்சயம்?

வீட்டுக் குருவிகளைத் தேடிக்
காண முடியாத இந்நாட்களில்
கனவுகளைத் தேடுவது எங்கே?